Alle rettigheter 2019 Suldal kyrkjelige fellesråd

Babysong



Babysong 2019 er slutt. Velkommen igjen 30. januar 2020!


 

 

Biletet er frå siste babysongen hausten 2018;  eit av dagens mange høgdepunkt er den store badeballen med dei fargerike fiskane på.

Babysong 2019 er slutt 
Torsdagar kl 11 på Sand bedehus

frå 30. januar 2020

Det kan blir forandringar. Følg med på denne sida og/eller på facebook Kyrkja i Suldal
(Påmelde deltakarar får sms ved enventuelle forandringar)

Påmelding

Brosjyren om babysong
Frå og med 1. oktober 2018 får ikkje kyrkja lenger informasjon om nyfødde før foreldra eventuelt  melder dei til dåp. Difor kan me heller ikkje senda personleg invitasjon til babysong. Informasjon kan ein få på helsestasjonen og ved å følgja med her på kyrkja si nettside og facebooksida (Kyrkja i Suldal). Det blir òg hengt opp plakatar på Sand ved starten av ny sesong.


Glimt frå babysong:
Rytmeegga raslar, ballongane flagrar og såpeboblene flyg medan babyane leikar seg gjennom songstunda på Sand bedehus. Mange godlydar og frydefulle smil frå dei små gjer også stunda til ei oppleving for dei vaksne. Babyane finn òg høve til å utforske jamaldringar, og er ikkje beskjedne når det gjeld å klappe og kjenne litt på naboen. Det er flott å sjå korleis babyane responderer på songen og rytmane!

Kyrkja i Suldal har arrangert babysong på Sand bedehus sidan 2006.

                
..Stor bølge............................................                                              ... Liten bølge........

Dersom du har ein baby frå "alder nyfødd " til 1 år er du hjarteleg velkommen til å
vera med .


Me begynner kl 11.00. Songstunda varer omlag 45 minutt. Etterpå har me tilbod om kaffi/te/vatn om du vil sitja ei stund - og kanskje eta niste. Det har òg vore vanleg at babymødre treffest på kulturhuset etter songen. Gjer det som passar for deg.

Dersom du lurer på noko, ta kontakt med Turid Børtveit Skjelstad på tlf: 52 79 02 03

 
"Bomchikkabom!.....åååå....." Kitlar litt i magen (Bilete frå våren 2010)

 
 Såpebobler er gøy!
 
Men kor blei dei av...? bilete frå våren 2014
 
    
"Trille, trille ballen bort til ein eg likar godt.." 
Spennande med så stor ball. Her er det fleire som vil ha han samtidig. (Bilete frå 2018)
 
 
 

Tilbake