I alle sokna i Suldal blir det delt ut gåver til barna ved 1-, 2- og 3-årsdagen for dåp. Det har vore litt forskjellig frå sokn til sokn korleis dette har vore organisert og kva som har blitt delt ut.
No blir det gitt like gåver i alle sokna:
1 år: Kveldsbønplakat
2 år: Boka 'Funnen' om gjetaren og det vesle lammet
3 år: Bibelboka mi 2 - Saman med Jesus
Sand sokn vil fortsetja som før med å levera gåvene på døra så nær dåpsdagen som mogleg. I dei andre sokna blir det levert ein pakke med alle tre gåvene i samband med dåp (oftast på dåpssamtalen). Det er tenkt at ein eller fleire av fadrane skal ta vare på gåvene og levera dei til barnet på 1- , 2- og 3 årsdagane for dåpen.
Til 5 års dåpsdag får barna ein fin barnebibel, denne vert i alle sokn levert til heimane.